Witte / Meyer: Der Strietkamp

Erinnerungen vorgetragen im “Club Alter Bramstedter”

De Strietkamp

von Martha Witte 2.8.2000

Holpen hebbt mi Anne und Ernst Meyer ut de Möhlenstroot. Anne Meyer is jo ne geborene Rickert vun Strietkamp.

Wie fangt mit dat erste Huus op de rechte Sied Butendoor/Strietkamp an. Rechts wohn Johann Stüben, den dat Huus und dat Grundstück bit an Hannes Hauschild sien Immenhagen und Appelgorn gehörte. Den sien Dochter Anne wer mit Schlachter Hermann Schmidt verheirat. He wer Huusschlachter, und harr 3 Kinner, Hans-Herbert, Helga und Alwin. Uterdem wohn door Irma Schulz mit eer öllern. Er Vadder weer Sattler und harr de Werkstatt achter in den Schuppen.

Denn wohn door noch boben rechts Alfred Stüben mit sien Familie. He hett sik später een Stück wieder een Huus boot. As Alfred un sein Fru storben wern, hett de jüngste Söhn Manfred mit sein Fru Else dat Huus öbernom. Die öllere Süster Ingrid und de öllere Broder Hans-Jürgen sünd na Niemünster trocken. Hans-Jürgen hett eene Dochter von Klempner Kiel ut de Möhlenstroot heirat.

Vör dat Huus von Alfred Stüben sünd twee Hüser boot worn. Dat Huss direkt achter dat Eckhuus vun Johann Stüben hört een Familie Spätzke. Dorneben kümmt denn de Familie Zech.

Achter Alfred Stüben sein Huus keem Otto Stüben mit sein Frau Paula. Se hebbt 4 Döchter und 1 Söhn. Elfriede, Lisa, Erika, Karin und Helmut. In datt Huus woohnt nu Erika mit eern Sön Werner. Dochter Karin heet nu Konnowski. Mit errn Mann Winfried hett see in twete Reech een Huus boot.

Int nächste Huus wohn fröher Miede Mohr, geb. Stüben, de in September l00 Johr old worn is. Eer Mann, Hinrich Mohr, weer Stellmaaker. He is 1946 verstorben. Se harrn 3 Kinner, Annemarie, Lotte und Karl Heinz. Annemarie wohnt in Hamborg, Lotte is storben und Karl Heinz, de hüt mit siene Fro geb. Pries ut Großenaspe verheirat ist, wohnt in dat Huus.
As Hinrich Mohr storben is, wör de Stellmokere an de Firma Schöker verpacht. Se hett Kisten för denn Schiffexport boot. Günter Kolbow hett för diese Firma dor in de Werkstatt arbeit. As dat Kistengeschäft ruhiger wör, is de Firma Schöker uttroken. Söhn Karl Heinz hett nu de Werkstatt in eene Pension ümboot. Kurgäste gäv dat dor noch genuch und vun Gesundheitsreform wull noch keener wat witten. Na de Gesundheitsreform Mitte de 70er hett Karl Heinz Mohr dat Huus noch mol umboot in Wohnungen.

Dorneben hett sick de Enkel von Miede Mohr een Huus boot. Miede Mohr wohnt hüt bi eern Enkel Heino und sien Froo, de mi alle dree düchtig bi düsse Opstellung von Strietkamp holpen hebbt.

Den Stieg rünner an Hauschild sien Immenhagen sünd hüt Hüser boot. De Booherrn weern Hein Thun und Jürgen Brandt, de mit Ilse Dehn verheirat is. Jürgen Brandt is aber mit sien Fru in de Süd-West-Stadt troken und hett dat Huss verköfft. Heini Thun hett sein Huus an de Dochter vun Karin Stüben, Beate mit eern Mann Jörgen und de Kinner vermiet.

Op den Weg (weer nur so’n schmalen Stieg) hebbt Lotte Mohr, Erika Stüben und ick fröher oft speelt. Fast ümmer hett uns Hein Hauschild verjoogt, wiel wi toveel Krach maakt hebbt. Eenmol hett he mi tofatenkregen und mi ’n poor achter de Ohrn geben. Dat kunn wi natürlich nich hinnehmen, und hebbt den schmolen Stieg mit lassplitter vullsteeken.

As he abends na Huus föhr mit sien Rad, harr he vörn un achter Plattfoot. Wi harrn uns natürlich versteeken, und hebbt uns köstlich amüsiert.

Degenöber vun Mohr sünd fief Reehenhüser boot worn. See weern de meiste Tied an Beamte vunn Grenzschutz vermiet. Dor achter hett sick Tähnarzt Labunski een Huus boot. Dat wör denn später an de Familie Rauch verköfft. Nu woont dor die Dochter vun Rauch.

Denn keem dat Huus von Jäger. Annemarie Lohse hät dor lang in wohnt, bet Buchners dat Anwesen köfft hett. Buchner ist de Großvadder von Marlies Wildfang. See wont nu boben und eer frisch verheirat Sön Heiko wonnt mit sein Fruu ünn.

Quirling hett dat nächste Huus boot, de käm ut Berlin. Dat hebbt sick Kurt und Gitta Schadendorf, de öllern von Jan-Uwe Schadendorf köfft.

Denn keem Schwarz und Arthur Schadendorf. Dat weern Nebenerwerbssiedlungen. Herta Schadendorf kümmt bi uns bi de oolen Bramstedter.

Dat Schwarzhuus hett hüt Reisberg, Autolackierer ut Wiemersdorf köfft; de is jetzt in Hamburg.

Boy Sünkens hett dat nächste Huus. He weer Registreerkassenvertreter. und mit de Dochter von Grüttner verheirat.. Denn kümmt Willi Grüttner, de später dat groote veereckige Huus boot hett. Door hett Fru Todt bin wonnt. Nu is dor de Strietkampgalerie bin.

Grüttners Huus ist hüüt een Mietshuus. De harrn 2 Söhne. Door wahn Erwin Weller bin, de weer Ofensetzer. Sien Söhn is hüüt Weller VW in de Hamborger Stroot.

Dat nächste Huus bewohn ers Graumann un hüt Hintze

Hermann Lentfer hett dat nächste Huus 1928 boot. He weer Busfahrer bi Prahl. Söhn Kurt  mit sien Fruu geb. Schlappkohl hett dat Huus später an den Söhn von Textil Jansen verköfft.

Lotte Mohr, Erika Stüben und ick hebbt natürlich ook Klingelstreiche mookt. Ünner annern ook bi Hermann Lentfer. Mi hett he natürlich tofatenkreegen, und wedder geev dat wat achter de Ohrn. Ick weer nämlich ümmer de Langsamste und somit de Dumme.

Denn keem Gustav Delfs, de all de Johrn vun Anfang an in’t Kurhuus arbeit hett. He is intwischen ook schon 93 Johr old.

Achter Delfs is een Bungalow baut. Später hett door Adalbert Kohl bin wohnt. He weer mit eene Bornhöftdochter verheirat, und harr een Kaffeegeschäft an Kirchenbleeck (Thams & Garfs); hüüt is dat een Fotogeschäft.

Denn keem Max Rickert mit 4 Kinner. Arthur, de mit mi to School gahn is, Marianne, Werner un Ruth.

Anchlütend keem Hermann Blunk und denn Hein Pettschuleit, de ook 3 Kinner harr. Alfred, de ook mit mi to School gahn is, Waldemar un eene Dochter. De beiden Jungs sünd intwischen verstorben.

Denn kümmt een Bungalow op öllrich Land, dat hett een Rusch, denn Kurt Meyer und jetzt sien Dochter een  verheiraat Weiland hört.

Jetzt kümmt de anner Sied.

An de Eck Butendoor is dat Köhnksche Huus. Anna und Grete hebbt door wohnt. Se weern de ersten, de an Kurgäst vemiet hebbt. Später weer door Gottschalk, he weer bi de Post und se weer Hebamme. Hüt is  door een Kosmetisalon bin vun Fru Schröder.

Denn kommt 2 neete Hüser. Int erste wohnt Röder und denn kümmt Ebeling und dat  nächste Haus hett Weihrauch boot.

An de Eck wo de Strietkamp den Knick mookt, hett dormaIs Macke wohnt. De kämen uut Hamborg, wo se eene Wienhandlung harrn. Hüt wohnt door Jürgen Pries mit sein Fruu Jutta. Jürgen is een Broder to Irmgard Mohr, de Fruu von Karl Heinz Mohr. Intwischen is an dat Huus düchtig anboot worn, und de Prieskinner Petra mit eern Mann Martin wohnt door.

Achter Macke-Pries steit een Huus, wo föher Wrage bin wohnt hett. Noch gehört dat een Keckmeister ut Kisdorf. Dat schall aber an denn Makler Winter verköfft sien.

Vör dat Lentföhr Huus hett sick Söhn Uwe Lentföhr een Huus boot. Denn kümmt dat Doppelhuus Lentföhr-Kröger. In dat Lentföhr Hus hebbt 1928/29 miene öllern mit mien Broder und mi wohnt. Ick kann mi nich mehr daran erinnern, ick weet bloß vunt vertelln von miene öllern, dat Erna Kröger mi mit ne Hark op’n Kopp haut hett. De Narv heff ick noch.
Wie sind 1930 na’n Butendoor trocken. In de eene Hälft vun dat Doppelhuus wohnt intwischen de Schiegeröllern vun Uwe Lentföhr, de Familie Müchler. In dat anner Huus hett Erna Kröger mit ehr öllern wohnt.
Erna hett den Söhn von den Fotografen Kröger ut den Schlüßkamp heirat, und de beiden wohnt jetzt in Schweden. Wer dar jetzt wohnt, weet ick nich, ook nich wer in dat Huus dorachter wohnt.

August Rickert kemm denn anschlütend. Dat Land hett he von Müller Fick von de Eck Butendoor, datt Hans Frick später verköfft hett. Bi Rickert weern 6 Kinner, Frida, Karl, Willi, Hans, Julius und Anne, de mit Ernst Meyer verheirat is.

Paustian gehör dat Land mit de Dannen. Rickert hett denn een Weg van Strietkamp na de Oskar Alexander Stroot mookt. Hans Rickert hett dat Huus verköfft an Tiedemann, de eene Pension mit Meddagsdisch harr. Hüt hett de Stadt oder de Kreis dat köfft. Jetzt sünd utgebürgerte Dütschrussen dorbin.

Dat Olendeel von Rickert is verköfft, erst an Taxi Thege, und nu wohnt Anne Karin von N3 darin.

Dorneben wohnt de Familie Ihfe. Se hebt fröher de Drogerie in Bad Bramstedt hat.

Anschlütend hebbt sick Käte und Günther Kolbow da een Huus boot. Käte is ne geborene Blöcker ut de Oskar-Alexander-Stroot.

Zobel, verheirat mit een Schreyerdochter ut’n Landweg, hett dar eene Pension. He hett ümmer Kurgäst.

Friedrich Köster ist intwischen ook verstorben.

Denn kümmt Anne Gebien, de fröher in Butendoor Eck Lohstückerweg, wo jetzt de neege Stroot is, een Buurnhoff hatt hett. Jetzt wohnt door Christel Büttmann geb. Gebien.

Denn kümmt datt öllste Huus. Door hett fröher Doll wohnt, wo man hüüt nix mehr von weet. Hüt is door de Pension von Horns bin.

Een Krieg hett dat ook in Strietkamp geben. An 29.August 1317 besiegt de Grat Gerhard de Drütte den Adolfen van Schauenburg  in de Schlacht in Bramstede wahrschienlich op dat Gelände von Striekamp. De Verlerer hett sik ünner de Brüch:, wahrschienlich de Hambrüch versteeken, wo he aber funn wör.

                        In Danckwerth’s Topographie,welche 1652 gedruckt wurde, heißt es:
Zu Brahmstede ist vor wenig Jahren ein Rolandsbild gestanden.
Es ist glaubhaft, daß solches Graf Gerhard dem Großen zu Ehren
aufgestellt wurde, der eben hier Graf Adolfen zu Schauenburg,
indem er Graf Johann den III zu Holstein Völker zuführte,ange-
griffen, geschlagen und ihm selbst unter der Brücke, daselbst er
sich bei der Flucht verborgen, herausgeholet und gefangen genom-
men. Zu welches Gedächnis die Brahmstedter ihren Roland als ein
Heldenbild mögen aufgerichtet haben.

                       Am 29.August 1317 besiegte Graf Gerhard der Große, Adolfen von
Schauenburg in der Schlacht in Brahmstede,wahrscheinlich auf
dem Ge1ände des Strietkamp.

Dieser Beitrag wurde unter F0 - Alte Bramstedter erinnern sich veröffentlicht. Setze ein Lesezeichen auf den Permalink.